Ат-Башы районунун прокуратурасынын демилгеси менен Ат-Башы райондук мамалекеттик администрациясынын жыйындар залында Ат-Башы районунун аймагында болуп жаткан “Үй-бүлөлүк зордук зомбулуктун, балдар тарабынан жана аларга карата жасалган кылмыштардын алдын алуу” темасында жыйналыш болуп өттү.
Иш-чарага Ат-Башы районунун прокурору К.Нуруллаев, Ат-Башы райондук мамлекеттик администрациясынын акиминин орун басары Ж.Жантелиева, Ат-Башы РИИБнин башчысынын орун басары Н.Акимов, Ат-Башы райондук билим берүү бөлүмүнүн башчысы О.Солтобаев, райондогу мектептердин социалдык педагогдору, Ат-Башы, Ак-Моюн, Кара-Суу, Баш-Кайыңды жана Казыбек айыл өкмөттөрүнүн башчылары, соцкызматкерлери, айыл башчылары, Коомдук алдын алуу борборлорунун төрагалары, аталган айыл өкмөттөрдүн аксакалдар соттору, Ат-Башы райондук Социалдык өнүгүү, эмгек жана миграция башкармалыгынын кызматкерлери катышты.
Аталган жыйында Үй-бүлөлүк зордук зомбулуктун, балдар жана балдарга карата жасалып жаткан кылмыштардын себептери, алардын алдын алуу, болтурбоо, ата-энелердин жоопкерчилигин көтөрүү багытында аткарыла турган иштер талкууланып, жергиликтүү өз алдынча башкаруу органдарына, тийиштүү мекеме-уюмдарга аткаруусу зарыл болгон тапшырмалар берилди.
Ат-Башы райондук мамлекеттик администрациясынын басма сөз кызматы.