2026-жылдын 19-апрелинде Ат-Башы районунда райондук айыл чарба башкармалыгынын жана Арашан жамаатынын демилгеси менен Арашан койлорунун жарманкеси өткөрүлдү. Бул иш-чарага Нарын облусунун бардык райондорунан жана Чүй облусунан келген фермерлер катышып, 100дөн ашуун Арашан койлорун алып келишти.
Жарманке мал чарбачылыгы менен алектенген дыйкандар менен катар жергиликтүү тургундардын да чоң кызыгуусун жаратты. Анда арашан койлорунун сапаты, салмагы жана тукумдук өзгөчөлүктөрү кеңири тааныштырылып, мыкты деп табылган малдар өзгөчө кымбат баага татыды.
Мындан тышкары, сатып алуучулар үчүн жеткиликтүү баалар сунушталып, соода сатык жигердүү жүрдү. Иш чаранын алкагында фермерлер тажрыйба алмашып, асыл тукум мал өстүрүү боюнча пикирлерин бөлүшүүгө мүмкүндүк алышты.