Ат-Башы районунун Кара-Суу айыл аймагындагы Кара-Булак участкасында заманбап ири интернет соода платформасы курулууда.
Район акими Эмилбек Абдыкадыров бул салынып жаткан соода аянтчасынан үзгүлтүксүз барпы кабар алып, район үчүн бул аянтча чоң мааниге ээ экенин баса белгилеп, ар тараптан колдоо көрсөтүп келүүдө.
Бул жай ОсОО “Нарын Кургак Порт” эркин соода аянтчасы деп аталып, анда атайын товар сактоочу кампа (ангарлар) унаа базары, электр жабыдыктарын кураган ишканасы, тигүү цехи жана эт комбинаты ачылат.
Аны мамлекеттик “Кыргызпочтасы” ААК, “Кара-Булак” ЖЧК жана Шунси Лингин Ко” ЛТД ЖЧКсы тарабынан түзүлүүдө. Кара-Булак ишканасы 2015-жылдан тартып кулуш иштерин башталган.
Бүгункү күнгө чейин жалпы суммасы 50 миллион 550 мин сомдук инвестиция салынган. Тактап айтканда узундугу 15 километрди түзгөн электр зымдары тартылган. 9 км жерден суу тартылып келинген. Бугүнкү күнү экологиялык таза материалдардан мейманкана жана тамактануучу жай, иш алып баруучу иамараттар, эки чоң товарларды сактоочу жай, кичи соода орундары жана унаа базары, май куючу жай, толугу менен курулуп бүткөрүлдү. Июнь айынын аягында ачылышы пландалууда.
“Кара-Булак” ЖЧКсынын директору Эсенбек Өмүргазиевдин айтымында, бул соода аянтчасында Кыргызстанга кирген товарлардын бардыгы компаларга киргизилип, андан соң Кыргызстандын башка бардык аймактарына жана чет өлкөлөргө таркайт. Ошол эле учурда бул эркин соода аянтчасында беш миңден ашуун жумуш орундар түзүлүп, жумушчулардын үй-бүлөсүнө жатакана, бала бакча салынып, каттамдар уюштурулуп дагы башка шарттар түзүлөөрү күтүлүүдө.
Ошондой эле ичинде банктын бөлүмдөрү дагы ачылууда.
Белгилей кетсек, “Нарын Кургак Порт” эркин соода аянтчасынан түшкөн салыктар жергиликтүү бюджетке түшүп, райондун социалдык-экономикалык өсүүсүнө шарт түзүлөт.
